Bihar, ekainak 10, Ikastola eguna ospatuko dugu eta egun horretako EGITARAUA hemen duzue.
Bazkaria 14:00etan hasiko da, baina 13:00etan guraso arduradun batzuk frontoi sarreran egongo dira frontoi eta dema plazaren plano batekin. Familiak taldeka, banaka, binaka, nahi duzuen bezala zuen tiketarekin gerturatu eta beraiek erakutsiko dizuete eserlekua.
Aurten ere guztiok elkarrekin bazkalduko dugu, haur eta heldu.
LH 1. mailatik aurrera, ikasleak taldean lagunekin esertzeko aukera izango dute, heldurik gabe baina gurasoen ardurapean egongo dira.
Ikastola-eguna. HHkoen emanaldia
Dakizuen bezala, bihar ikastola-eguna ospatuko dugu. Egun horretan eguerdiko 12:30ean HHkook gure emanaldia eskainiko dugu Mikel Laboa plazan. Haurrak 12:15ean jasoko ditugu herriko gune hauetan:
HH3koak: Sutegiko sarreran
HH4koak: Olentzero egoten den lekuan
HH5koak: Udaletxean.
Egun horretan haurrak honela jantzita ekarri behar dituzue:
HH3koak: ikastolako mantala jantzita eta lotuta.
HH4koak: kolore batez jantzita eta zapia bizkarrean jarrita. Ikusi gelan duzuen eredua.
HH5ekoak: txuriz edo beltzez jantzita eta kapa jantzita (gelan egiten ditugunean etxera bidaliko ditugu). Zalantzarik baduzue, tutoreei galdetu. Eguraldi txarra egingo balu ikastolako frontoian egingo genuke gure emanaldia eta haurrak gure geletan bertan jasoko genituzke.
Ikastola-eguna. LHkoen jolasak
Goizean zehar ikasleen jolasak izango ditugu. Ikasleek ikastolako sarrera nagusira agertu beharko dute ondorengo orduan:
1, 2 eta 3. mailako ikasleak 9:45etan sarreran.
4, 5 eta 6. mailako ikasleak berriz, 11:00etan sarreran.
Bestetik, tokatu zaien zenbakiaren arabera, koloredun kamisetarekin etortzera gonbidatzen ditugu:
1 zenbakia edo taldea: kamiseta beltza
2 zenbakia edo taldea: kamiseta txuria
3 zenbakia edo taldea: kamiseta urdina
4 zenbakia edo taldea: kamiseta berdea
